रानज्रिंरोङै मोदै Poem by Bidindra Basumatary

सोरनिबा मेगन मेख्रेबनायाव
दान्दिसेल स' सरगबोनाय बादि
खावलाइ रुगुंआवनो गोमालांनाय बादि
बेयोथ' नङा दान्दिजोर।
आरोलाय खबाम गैयै राव बादि
सोदोब गैयै सावथुन बादि
नङा नों ब'बि हाथासि
हसारनाय आइलि जाइलि खानाय
दैमु बादि बोहैनाय
बिखाया अन्थाइसो जेनबा
बुग्लिबायदों सौग्लिबायदों
सान स'सेयावनो
रानज्रिंनाय दुब्रि हाग्रानि निहिरबोथ' नङा।
बै जोमैनि बिलायनाय अखा बादि
दान्दिसेनिल' हाना हुर थांनाय नङा।
जानोहागौ नों जेखौबो फिसिनो हायाखै
अब्लाबोदि अराय बोहैदों
दैमा निजोरा बादि
जेनबा लैथो बिखायाव थांनोसो बोहैदों
थारैनो जानांगौ नोंबो
हाबिला लाना बोहैदों
बै उदां लैथोखौनो होसोना।
गोमानाय माखासे मेगन मुसुगुरखौनो
नों जोथोनै लाखिनो
आरो मेगननि मुसुगुरफोरखौनोथ' रोदोमहोनो समायनायै।