गुफुर दावथु गोमादों Poem by Bidindra Basumatary

गुफुर दावथु गोमादों

गुफुर दावथु-गोजोन।
जोंफ्रुद खाथि- सिगांआवल' मोजां गोसोनि।
बेरे- सुथुरनि हेंथा बुंथिग्रा।
जोंफ्रुद खाथिनि थिफुदला दुगानायाव
बनजाराव अर मोले
दायो गोजांनाय सोलेराव दुंखांनो गोब्राब
गावखौनो बुंबायदोंमोन आं फोजोंगोन
नोंसोरनि बनजार
गोजां गाहोगोन नोंसोरनि सोलेर
इस गोदै रावा मुरुलांबाय
ओंखारलिया बाहा सिंनिफ्रायनो।
गुफुर दावथुआ खोमसियाव आन्दायना
बिखायाव लाथा खानाय थैसाम लाना
थावरिदों मुरुलांहां लांहां।
बेरे ज'थाफोरा गावनि बासा हाननो फैनायफोरखौ
गावसोरनि खिलांजों सुनाहरबाबो दायसै
सेखना लांजामारसै गोब्राबनि बासा।
दायोलाय आरो बेरे ज'था
हांगिल'रनि दुथां आखुजों
सेख्लाबना लांजाबावसै गावसोरनि थाखुलि देरा
जेराव बिसि-फिसाया गोदैयै उन्दुहाबदों।

Thursday, December 24, 2015
Topic(s) of this poem: peace
COMMENTS OF THE POEM
READ THIS POEM IN OTHER LANGUAGES
Bidindra Basumatary

Bidindra Basumatary

Bhatopara [13/04/1997] Panbari, Bijni
Close
Error Success