बाथौ Poem by Bidindra Basumatary

बाथौ

दहाइ आफा बोराइ बाथौ!
नोंखौनो सिबियो आं
खोमसिनिफ्राय सोरां मोननो
नोंखौनो गाबज्रियो आं
गुबुंले बारनिफ्राय बारग'नो
नोंखौनो खुलुमो आं
हिंसानिफ्राय जानगाराव थानो
नोंखौनो हास्थायो आं
खैफोदनि समाव गसं फैनो,
नुवाथारि नों बिफा
अब्लाबो फोथायथि लाना
जिउ बाउसोमना
मोननो लुबैयो गोर्बोजों।
आलारि बाथि फोजोङो
बाथौ गुदियाव हान्थु खराइना
गोथार लथासे दै लाना।
जिउ दिङा जावनायाव
रुगुं होसोनायाव
गोख्रै मोनहैनायनि खाबु हो
थालो मोनस'यै गोथौ लैथोयाव
दै मोनलोंलायनाय दाग'बहो।
जिउनि गोरा बान्दोखौ दा बायफ्लंहो।

Tuesday, December 29, 2015
Topic(s) of this poem: god
COMMENTS OF THE POEM
READ THIS POEM IN OTHER LANGUAGES
Bidindra Basumatary

Bidindra Basumatary

Bhatopara [13/04/1997] Panbari, Bijni
Close
Error Success