પહેલી પુણ્યતિથિ Poem by Mehta Hasmukh Amathaal

પહેલી પુણ્યતિથિ
મંગળવાર,21 એપ્રિલ 2020

તમારી પહેલી પુણ્યતિથિ આવી અને ગઈ
મન માં સંઘરાયેલી યાદો તાજી થઇ ગઈ
સ્મરણ પટપરએક વાર તમારી સ્મૃતિ ધસી આવી
તમારા સ્નેહભર્યા સ્વભાવ ની હૂંફ ફરી લાગી આવી।

કેટલા બધા વરસો નો સથવારો
જાણેકૈંક ચુકી ગયો જન્મારો!
બધુ જાણે બની રહ્યું નજર સમક્ષ
હજુ પણ તમારો હસતો ચેહરો દેખાય પ્રત્યક્ષ।

કેટલાય કુટુંબો જોડે પરિચય થાય
સમય જતે ઘસાય અને ભુલાઈપણ જાય
મારો તો કેટલાએ વરસો નો ઘરોબો
ઘર માં હંમેશા તમારો રહેતો મરતબો।

નામ જ તમારુ શારદા
તમારું સ્નેહાળ વર્તન વધારતું અમારી આવરદા
કસમયે પણ હંમેશા અમે દોડી આવતા
અમને હંમેશા દેખાણી તમારી આગતાસ્વાગતા।

તમે ઘણું બધું અમારા માટે કરી ગયા
અમે વસવસો કરતા રહી ગયા
તમે જયા પણ હશો પ્રભુ ની કૃપા હશે
તમારો આત્મા અમોને જોઈને ખુશી થતો હશે

અમારા અંતર્મન થી તમોને ભાવભીની અંજલિ
તમારી સ્નેહાળ જ્યોતિ અમારા માં સમાણી
તમારી પૂણ્યતિથિ એ અમારા ભાવભીના નમસ્કાર
કરીએ પ્રભુ ને એકજ વંદના તમારો હો જયજયકાર।

હસમુખ અમથાલાલ મહેતા
અર્પણ: શારદાબેન કરસનદાસ પટેલ