नोंखौ गोसो थोनायनि मुङाव Poem by Daimasha Brahma

नोंखौ गोसो थोनायनि मुङाव
आं गोबां खन्थाइ सुजुबाय
गोबां सोदोबफोरखौ बुरखायना
खबामनि सिरिफोराव जिरायहोबाय

गोबां खन्थाइफोराव फोरमायबाय
नोंखौ गोसोथोनायनि राव
खन्थाइनि गोबां खबामफोराव
नोंखौ आं गोसो थोबोबाय
आरो नोंखौ आं गोर्बोजों अनबोबाय
नोंनि आंगोसिन जानो नाजाबोबाय

बेफोरो खन्थाइफोरनि रावफोरा
साज्रां गोसोनि सानस्रि नङामोन
बेफोरो नंखाय बानायफ्लानाय नङामोन
गोर्बो गैयै सानस्रिजों सुजुनाय नङामोन

खन्थाइफोरनि रावफोरा सैथोमोन
बेयाव बाहागो लानाय देंखो आरो खबामफोरा
बेफोरो नोंनि मुङैनो सुजुनायमोन
जेराव नोंखौ गोसोखां गोसोखां
सोदोबनि सोलेरफोरा आंजों बिलितजायोमोन

सुजुयोमोन आं खन्थाइ, एबा
नोंखौ लाना आं गोबां खन्थाइ सुजुबोबाय
नोंखौ गोसोथोनायनि मुङै
नोंखौ अन्नायनि मुङै, खन्थाइनि रावै

जानो हागौ नों दा खन्थाइखौ मोजां मोनलिया
जानो हागौ आंनि खन्थाइखौ गोसो थोलिया

आंनि खन्थाइफोरा गोर्बो दंमोन
नोंखौ गोसो थोनो, नोंखौ मोजां मोननो
मानोना बेफोरो आंनि गोर्बो सानस्रिनि एखे थैनिनो

नोंखौ लाना आं गोबां खन्थाइ सुजुबाय
नोंखौ गोसोथोनायनि मुङै
नोंखौ मोजां मोन्नायनि मुङै