हाबिला गोसो Poem by Daimasha Brahma

दावफोरबादि उदाङै आं बिरनो हाया मानो
दैसाबादि खोल खोल बोहैना थांनो मानो हाया?
जोमैबादि अखरां सा सा बिरनानै रंजानो
सान राजाबादि जोंनानै मुलुगाव सोरां होनो,
आंबो गोसो जायो आइयै आंहाबो हाबिला दं।

लैथोनि दैआव नाफोरबादि दावनो आं मानो हाया?
हरनि निजोम खोमसिआव गासिबो उन्दुयो मानो
आं लोगोफोरजों रंजानो लुबैयो आइयै हर गेजेरावबो।

बिबारफोरा मानो बारो, नाथाय सिरिफिनो मानो
बिफांफोरा मानो रज'यो गोथां सोमखोर
दालाय गेरेमसा बिलाइजों आबुं जाना
आरो सांग्रेमाफोरा हरावसो जोङो मानो?