गोरोबै देंखो Poem by Daimasha Brahma

सोरनिबा सिफुंनि मिलौदो देंखो
रिउ रिउ गोदै रैसुमै देंखो
दुब्लिबारि गोमसारहोयो।

खामनि गुम-दा-गुम गोमखांनायजों
दुब दुब मावखाङो बिखाया आंनि
समखिखाङो गोरबोआ।

बैसागुनि रादाब खौऔआ बिलायफैयो
खौऔ-खौऔ-खौऔ बरायहरो
गोरलै गोरलै बिलाय खिलिखाङो बिफां दालायाव।

बिरबायलु बार बारनायाव
आखाय खबो बिफांनि बिलाया ख्रब ख्रब
आंबो रंजाना बाज्ल'खाङो।

सुदेम निज्रानि दै बोहैनाय
ज्रय ज्रय सोदोब जाखारो
गोसोआ गोजोन मोनो।

हर गेजेराव सोरबा होसिख्रावनाय
रिंखांफैयो खोमायाव रोमै रोमै
गिखांनाय मोनो गोसोआव।

बर' बिमानि गाबनाय गोरबो
दखना आन्सोलजों मोदै हुगारना
सोर माब्रै सहायदों बबे बिखाजों?

खोनायो आं बेसेबा देंखो
नैबे गुवार बुहुमाव
नाथाय रावनिबो देंखो रावजोंबो गोरोबलाया।