हरनि निजोम समाव
नोंनि गोदै फंसे राव
आंनि Inbox आव,
नुनाय लोगो लोगो
थायाखै आं ओरैनो,
Type खालामना Reply हरदों।
नाथाय गैया रमान्सनि राव,
सोंलायदोंल' मोजां गाज्रिनि खौरां।
दान्से उनाव नों बुंहरफिनो
Good Night!
आंबो बुंहरफिनो बेबादिनो
आरो Have You a nice Dream!
उन्दुलांनो हाया जायो
नोंनिफ्राय गिबि मेसेज मोननायाव।
अखाफोर गैयै अख्रांखौ
सानो आं पुरनिमा गावदां
अखाफोरा ज्रोंना सोरां होदों।
नोंनो आंनि अनजालि
सैथो गोर्बोनि सैथो अनजालि।
नाथाय समा होआ
जोंनि गेजेराव सावरायलायनो
बिदै गोनां रमान्सनि रावखौ।
सम आरो मुगानि दाहारजोँ गोरोबनानै बेबादि खन्थाइनि जोनोमा जायो। गावनि गोरबो फोरमायनाय (मोनसे एक्सिडेन्ट बादि) खन्थाइयाव बिथांनि सैथोनि रिफिनाय साया एबा सायखं नंगौ Autobiography elements थानोबो हागौ।
This poem has not been translated into any other language yet.
I would like to translate this poem
रमान्सनि लैथोआ बेसे गोथौ गुवार आं मिथिया। खालि मिथियोबोल' बिनि मुं। जिउआव रमान्सनि रंजानाय सुबुंनि बुंस' हाया। सैथो मोखथां मोजां मोननाया अराय थैना थाङा।