-आं गाबखालि-1 Poem by Bidindra Basumatary

बोथोरा रानस्रावमोन अब्ला
बेबादि समावनो बारबो बारदोंमोन
लोगोसे अखाबो खोरोबदोंमोन कामान गावनाय बादि
हांफोरा गिनायजों थाद'हां थाद'हां...हरखाबै आं गाबदोंमोन
उनथिं सोरबा सिगिफैनाय बादि मोदोंमोन
मेगन फिदिंना नायहनायाव आयलि जायलि हसारनाय खानाय
दखाना दबा थेबस्रो थेबस्रो गाबा मोखांजों
आंनि फारसे खारबोदों
अब्लाबो आं गिदों आंखौसो माबा खालामनो होसोबोदों सानना
आगानसे उन्थिं फावसाइबा
फुथिहां फुथियाहां थेरनाय रावजों
आंनो माबा फोरमायहरदोंमोन
अब्लाबो आं गाबगासिनोमोन
गाबनायनि सोदोबजों आं एसेबो मोजाङै खोनायाखैमोन