आंनि सिदलानि हायाव आं गसंदों
बेयाव आंनि आजै-आजौनि बेगें
बे बेगें सायावनों आं दिनै दं
गोजोननि देरा मिजिंथिना
सोमखोर गेरेमसा बिफां गायनो
आंनि सिदलाखौ मुलुगाव सिनायथिहोनो
सोमखोर सिदला दालांनो- - -
-
नाथाय- - -
नोंसोर मानोथो बेंथा बेंथा
मानिथो हेंथा!
हिंसायनाय अनागारि मेगनजों
मानोथो एसेबां अन्थाइ बिखा गोर्बोनि- -
-
नोंसोरबोथ' गावनिनो सिदलायावनो गसंगोन
आरो बेनिनो बिखायाव हां बोगोन
अब्ला- -
सोमखोर बिफांआ गैयाब्ला
नोंनि हांआव बेसेबां गोगो बार
अक्सिजेननि बिबांआव बेनि सोलाय
नोंनि सोलेराव-
जायखौनो मन'ग्लाबो बिफांआ
कार्बन-डाइ-अक्साइड आरो बिष गोनां कार्बन-मन-अक्साइड
नोंनि सोलेराव सोरोद लांगोन
अब्ला नों बेसे थावरिगोन नोंनि सिदलायाव?
This poem has not been translated into any other language yet.
I would like to translate this poem