सानबोलाउरिनि रेगा-16 Poem by Bidindra Basumatary

माब्लाथो जों गादबजायाखै
माब्लाथों जों थगायजायाखै
जेब्लायबोसो।
दिनै नङा गाबोन
गादबनायनि सानस्रि
बिखा गैयै बर' उदखारगिरिफोर।
मायथाइनि उनाव मायथाइ
फैयो बर'हा दावहानि फारि
सहायनाङो दुखुनि देंखो
थानाङो सैथोखौ दोनखुमाजाना।

हारिनि सायाव इनाय बेरेखा
थै सोबग्रा लेवार बेलाव
खुगा ब्लां ब्लां सिना,
दालाइ गोरानाव खुगा सिब्लांना
सिगुन सिला मेगन फेदेरदों
बर'नि बेगें नागिरबायदों।
-
सोरखारनि मेगन रोमोनायाव
बर'नि सिदलायाव बायहाद्रि बिरफुंदों
थारैनो रोमोदों बर'खौ नोजोरथिनायाव
नुनानैबो नुयि जादों
बर'हा जेरैबो दाहानि दावदाब
आगानफ्रामबो गादबनायनि सोदोब।