सानबोलाउरिनि रेगा-4 Poem by Bidindra Basumatary

बिरबोयोमोन बै समाव बेजोंनो दाउब' फालो
मोनाबिनि गाथोन सेर सेर
गावसोरनि थि थावनिनि बासायाव
नाथाय,
- - दिनै स्रि-स्राय
नुलिया मासे-दैसे।
-
बेयावनो आदार खनजायोमोन दाउथु फालो
एज्रेद-एज्रेद जेद आसारनि दुब्लियाव
- - दिनैलाय माथो
नुनोनो थांलि मासेबो
- - खोनालिया निजोम गाबनाय।
-
मै-अमा अरण मोखाङावनो गेलेफैयोमोन
गांसो बावरा फिथाइ जाना
समायना ददेरे महरजों
दायो नुलिया
- - बै जायगायाव
दायो
- -थांबायनांगौ जायो
गोथौ हाग्रासिम
अब्लाबो नुबांला
मा जाजोबखो
बहा थांजोबखो।
-
मुराबो नुलिया दायो
साल-सिगुन बिफांनि
गौ-ग्रौ थारमोन जेब्ला आं हाबहैदोंमोन
दिनै स्रां सोमखोर अरणा।