(afrikaans) Dankie Vir My Dogtertjie Poem by Carike Klokow

Dankie vir my dogtertjie, dat ek haar kan lief he
en dankie vir my dogtertjie en elke dag se briefie

Dankie vir die 'ek lief jou mammie'
sonder dit sal ek ni kan nie

Dankie dat sy myne is
en elke aand se sagte kus

Dankie vir die ogies blou en blonde haartjies
en al die jare wat verby is se verjaarsdag kaartjies

Dankie vir een, twee en drie, more is sy al vier
dan kom 'groot word', dis amper hier

Dankie vir die trane waardeur sy is
van seunskinders is sy nou bewus

Dankie vir die glimlag by die matriekafskeid
Liewe Here ek is bereid
om my kind se kinderjare agter my te sit

Dankie vir die trots om vandag te kan se
Die prinses is myne
Met trou rok lyk sy soos 'n engel wat voor die kansel staan
Sy's op haar senuwees en haar stem is amper hees
Dis my klein engeltjie daai
en ek kan hoor hoe hou die engele fees

Dankie vir die wonderwerkie om 'n kleinkind te kan he
en om hom te leer, hoe om ouma te se!

1999