All Of Them - جميعهم Poem by MOHAMMAD SKATI

هربوا كلون لوين ما حدا بيعرف! المهم كلون هربوا شوي هون و شوي هون و شوي هنيك! هربوا بالليل و هربوا بالنهار و اسى في ناس عم يهربو بس لوين ؟! ضاعت الطاسة و الكل بدو يهرب بس نسيوا وراهم الحريم و الاولاد الزغار... لك تفو على شوارب اللي هربوا و تركوا الحريم و الولاد الزغار! يمكن ابل مايهربوا حلئوا شواربون و منشان هيك نحنا عم نسب شوارب ما عاد الا وجود! ما ضل غير الحريم و الولاد الزغر و شوية ختيارية ناطرين قضاء الله و قدره! متل الحرامية هربوا و تركوا كومة لحم وراهم! كان في شي شوية احترام ايام زمان بس هلأ ما ضل شي! وئعت ورئة التوت! صحيح اللي اختشوا ماتوا! خلص راحوا و ما رح يرجعوا! يمكن الواحد يشفلوا شي شغلة بتناسبوا هنيك... مليانة الشوارع ناس كتير نايمين عا الارض و ما بعرف وين... في ناس كتير من اللي هربوا غرئوا و زتون الموج عالشط و كان السمك اكلون اكل و ما شافوا بابور يوناني يشيلون من البحر و راحت عالي راح و عمرو اللي ما يرجع... زاعت الزوابع بهالي هربوا و صار اللي ما بيسوا يئول عنون كلام ما بيسوا... و في ناس اسى بدون يهربوا... هيك صار مع اللي هربوا! اسى في حدا بدو يهرب ؟! يا عيب الشوم! ______________________________________________________________________