Pighiling ko an saimong mga bitis,
Igwang mga sadit na buhok duman,
Piggibo ko ito ta habo kong makua mo an sakong laog,
Tanganing mahiling kong dai ka perpekto,
Pig-iisip ko man na nag-uudo ka,
Pig-iisip ko na dai mo pighuhugasan an saimong burak
Pag ika nagwiwiwis,
Muya kong maparong an saimong daplos, muya kong masuka…
Alagad mas makusog an sakong pangadyi
Na madangog an saimong boses,
Magdalagan an sakong mga muro saimong halabang itom na buhok
Na garo katurugan sa bangui,
An saimong mga ngipin magdukot sakuyang mga ngipin,
An saimong hinangos an pangaturugan kong kansyon,
An saimong suso masakat, manamitan,
Pag-adalan an mga lambang korte
buda gira nin luha saimong pisngi.
Pig-iisip ko ito kada bangui,
Kada bangui, makasalan akong maaapod.
This poem has not been translated into any other language yet.
I would like to translate this poem