B.Tech: Fun With Frnds (In Hindi) Poem by SINGH SINGH

Aayiye aap ko thoda pakata hun,
Apni likhi hui thodi panktiyan sunata hun,

Bench par baith k kuch samajh nai aata,
Shayad issiliye yeh sab likh kar apna waqt hun bitata.

Inn sab cheezo ka bhi apna hi maja hai,
Kyonki bench par rehna bhi ek saza hai.

Iss saza ko bhi mein maje se bita raha hun,
Issiliye to aap ko pka raha hun.

Inn dino nae mujhe mera purana waqt yaad dila diya,
Aur apne dosto ki yaado mein mujhe rula dia.

Ek waqt tha,
Jab hum engineering mein bhi time pass kia karte thae,
Par fark sirf yeh tha ki, tab dost sath hua karte thae.

Aayiye aap ko uss waqt mein le jane ki koshish karta hun,
Thoda hasanae ki koshish karta hun.

Uss samay humne thi har tarkib apnaye,
Aur naye naye majak se thi sab ki lagai……..

Customer Care Executive bann k logo ko khub call lagai,
Kuch ki call ISD lagvai,
ISD CALL k baad unki lag gayi,
Kyonki sari mudra wahi udd gayi….
Mudra ka mattam tha unpar chaya,
50 rupayee dekar tha mamla tarkaya….

Fir ek din mujhe nai tarkib aayi,
Ab ki call JS Girls hostel lagai.
Call thi ek ladki nae uthai,
Uski bhi humne le li chikai.

Ab to hum confidence aa gya,
Seniors ka bhi lagane ka idea aa gya.

Don bann k seniors ko khub chidaya,
Saalo se pura din tha blank msg padhvaya.
Ab to vo bhi humse milne ko bekrar thae,
Lekin hum to DON thae, har baar faraar thae.

Fir ek din, DON ko surrender karvaya
Lekin unhone aur bhi logo ka chutiyan katvaya.
Ab to humara bhi bhaukaal tha,
Har din katne ko ek nya bakra tayiaar tha.

Jooth kyon bolu,
Humara bhi tha bura waqt aaya,
Jab seniors nae tha akela paaya,
Kamino nae khub lagai,
DOST DOST NA RAHA par bhangada tak karvayi.

Yahi sab karte karte waqt guzar gya,
Aur B.Tech first year nikal gya.

Ab aayi second year ki baari,
Juniors nae khub ninety maari.
Kuch to lage khoob khaas,
Vo aaj bhi hai dil k paas.

Ragging mein bhi maja aayi,
Jab juniors nae SIR SIR keh ke thi izzat bhadai,
Har baar nai activity karvayi,
Jisse dekh kar khoob hassi aayi.

Unhi sab baton ko soch k aaj bhi hass raha hun,
Issi liye to aap ko pakanae k liye kavita likh raha hun.

Majak to khub hua,
Ab aayi dil ki baari,
Usse dekh kar lutt gayi meri duniya saari.
Uss par mera dil yun fida tha,
Ki khambhakt pure college ko pta tha.

Usko impress karte karte pura semester nikal gya,
Tab bhi uske sath mera kuch na hua.
Semester yun hi nikalte rahe, aur kuch khas dost bante rahe.
Uski jagah tab bhi koi na le paaya, aur mein finally 4th year mein aaya.

Ab to uske chakkar mein bahut ro chukka tha,
Yaha tak ki apna kafi vajan bhi kho chukka tha.
Samajh aa gayi saari duniya dari,
Issliye 4th year mein meine usse line na mari.

Hostel mein rehne ka last year aaya.
Vo waqt meine dosto k sath khoob bitaya.
Ab tak 3 saal waha bita chuke thae,
Har jagah apni pehchaan bna chuke thae.

Ab socha kuch nya kia jaye,
Kyu na mess ka morcha sambhal lia jaye.
Mess incharge bante hi aayi bahar,
Khub machayi khane k liye hahakar.

Ab ki menu bhi humne banaya,
Aur jum k kachha paneer tha khaya.
Log chai k liye taraste thae,
Aur hum jug bhar k lassi piya karte thae.

Fir achanak se, mod aaya,
Jab 8th semester ka aakhri exam aaya.
Engineer ban-ne ki khushi bhi aasun rok na pai
Kyonki nazar aa rahi thi dosto se judai.

Ab jo hona tha, vo ho gya
Aakhir mein dosto se juda ho gya.
Aaj bhi unko yaad kar k aasun baha raha hun,
Aur yun hi likh likh kar aap ko pakka raha hun.

MISS U ALL 