मिजिंनि थिलि(Boro) Poem by Bidindra Basumatary

मिजिंनि थिलियाव रजदोंमोन
गोर्लै गोर्लै फुलि
जायनि गोर्बोआव दंमोन
सिमांनिनो दखरसे फुलि।
-
सम आरो थासारियाव सिरिदों बिबार गेवलां
बागानखौ लांदां समायथारि नुदों
बारग्लांफिन जेब्ला गोदान थफिनाय बिबार
सामायसारफिनगोन अब्लासो मिजिं गोथार।
-
दैसा-निजोरा स्राय-स्राय बोहैलांदों
सोदोब होलांदों गुमुर मोनै; जानांगौ थांखिनि थावनि होसोदों
जायनि बिखायाव गेलेदों गोर्बो गोथार
अराय सोद्रोम जानो गावखौ फोलाना नंखायथार।
-
सिखिरि बादि समायदों सोलेर
गोर्बो गोसो गोथार?
मिथिनो हादों जिउ बुब्लिनि मावदांथि
सावरायसोलायदों बुङाखै थांखिथि।