Desh Ke Veeron Ko Salaam (Hindi) Poem by Manjeshwari P MYSORE

Marte to sab hi hai
Par Shaheed to wohi hote hai
Jo Desh ke kaam aate hai

Hum Chain se jeete hai
Kyoki Sarhad par Janbaaz Sipahi kadhe hai
Yeh Jawan humari Desh ki raksha karte hai

Bina ruke, kisi darr ya pareshani se
Jaage har pal har Ek sipahi Garv se
Har Yodha Juda hai Maatru Bhoomi se

Hum Salaam karte hai inhe abhimaan se
Shaheedon ko hum naman karte hai Garv se
Sara Hindustan khushhaal hai humare Veeron ke bal se.

Jammu Aur Kashmir se Tamil Nadu tak, Gujarat se Arunachal Pradesh tak
Sena, Nau Sena, Vaayu Sena se lekar har Hindustani tak
Desh ki Aan, Baan, Shaan hai sab se pehle, Jaan hai jab tak.