खोमसि हराव Poem by Dhoni Ram Narzary

हरनि गोब्राब हस्रिनायाव खोमा आलोवनानै
गोजांबोथोर बहरनि नाराबादि आं
आरांगा सानि मारबल अनथाइ होसिनजानाय लाइजामबादि
अरनि खुगायाव जिरायना थायो
थै रोदायाव थैजों आबुं जानाय देहाखौ लानानै।

सिगुन सिला दाउखाफोरनि खुसेरनायाव
आंनि देहानि थैफोरा सिददावना दुब्रि बिलायफोराव नांदला हैदों
थैनि बेसेनखौ दैजों सुजानायाव
हिराबादि बोहैथि दैया बाराव गोमालाङो
आरो दावहारु थुंग्रियावो माराम जाना बुथुवा जालांनो हमदों।

बिगुर गैजारोङैफोरनि खसाब गाननायफोरा हरखौ आरोबाव फोलावबावदों।
आं आरो हर ससेयावनो सिरिमोननानै
दावला गेसेरनायखौ लामानायाजासे
लेम गंसे फोजोंनानै
मिरौ जिरौ सोराङाव खोलोम दैनानै खनथाइ सुजुदों।