ಜಾತಿಯ ಹೊಟ್ಟೆಯು ಬಿಗಿದಪ್ಪಿತು,
ಫಜೀತಿಯ ಉಬ್ಬಸ ಜೀವತೆಗೆಯಿತು..
ಜಾತಿ ದ್ವೇಷದ ಹೊಗೆ,
ಫಜೀತಿ ಆವೇಶದ ಅಪ್ಪುಗೆ..
ಜಾತಿ ಎರಡಕ್ಷರ, ತೊಂದರೆಗಳು ಸರಮಾಲೆ 'ಶುರು',
ಫಜೀತಿ ಮೂರಕ್ಷರ, ತೊಂದರೆಗಳು ಅಷ್ಟೇ ಅಲ್ಲ, ಜೀವನವೇ ಅಂತ್ಯ..
ದುಡಿಯೋ ಕೈಗಳಿಗೆ, ಬೆವರು-ಸುರಿಸೋ ದೇಹಕ್ಕಿಲ್ಲ ಜಾತಿಯ ಹಂಗು, ಗುಂಗು;
ದುಡಿಯದೆ, ನಮ್ಮನ್ನು ಸದಾ ತೊಂದರೆಗೆ ಒಳಪಡಿಸಿ, ನಮ್ಮ-ನಮ್ಮಲ್ಲಿ ಕಚ್ಚಾಡುವಂತೆ ಮಾಡಿ ಮಜಾ ತೆಗೆದುಕೊಳ್ಳೋ ಪುಡಾರಿಗೆ ಬೇಕು ಜಾತಿಯ ಗುಂಗು, ರಂಗು..
ಕಾಯಕವೇ ಕೈಲಾಸ: ಜಾತಿಯೇ ರಾಶಿ-ರಾಶಿ ಕಸ..
ಕರುಣೆಯೇ ಮನುಷ್ಯತ್ವ: ಜಾತಿಯ ಬೇತೂರಾಟಿಕೆಯೇ ಶಂಡತ್ವ/ ನಪುಂಸಕತ್ವ..
ಜಾತಿಯು ಮನೆಯ ಹಿತ್ತಲಲ್ಲಿ ಚಂದ;
ಇಲ್ಲವಾದ್ರೆ, ಫಜೀತಿ ಬೀದಿಯಲ್ಲಿ ಬೆಂದು ಬಿಡುತ್ತೆ..
ಜಾತಿಗೆ ಆತಿಥ್ಯ: ಫಜೀತಿಗೆ ಸಾರಥ್ಯ..
ಜಾತಿ ಜೀವನಕ್ಕೆ ಸೋಂಕು: ಫಜೀತಿ ಬದುಕಿಗೆ ಮಂಕು/ಡೊಂಕು..
'ಜಾತಿಯ ಜ್ಯೋತಿ ಬೆಳಗಿದಲ್ಲಿ
ಫಜೀತಿಯ ಕೋತಿ ಅವರಿಸಿಬಿಡುತ್ತೆ'!
'ಜಾತಿ ಮನೆಯ ಅಂಗಳದಲ್ಲಿ ಮಂಗಳ, ಇಲ್ಲವಾದಲ್ಲಿ,
ಫಜೀತಿ ಮನೆ-ಮನೆಯವರ ಕಣ್ಗಳಲ್ಲಿ ತಳಮಳ'! !
ಇಷ್ಟೇ ಆಗ್ಬೇಕಾಗಿರೋದು:
೧.ಆಜ್ಞಾನದ ಜಾತಿಯನ್ನು ತೊಲಗಿಸಿ,
ವಿಜ್ಞಾನದ ಜ್ಯೋತಿಯನ್ನು ಬೆಳಗಿಸಿ!
೨.ಅಜ್ಞಾನದ ಜಾತಿ ನಶ್ವರ: ವಿಜ್ಞಾನದ ಜ್ಯೋತಿ ಅಜರಾಮರ! !
೩.ಸರ್ವ ಆಪತ್ತಿಗೂ ಜಾತಿಯೇ ಕಾರಣ: ಸಬಲ ಸಂಪತ್ತಿನ ಸಮೃದ್ಧಿಗೆ ಜ್ಯೋತಿಯೆ ಹೂರಣ! ! !
- ಡಾ. ದೀಪಕ ವಿಶ್ವನಾಥ
This poem has not been translated into any other language yet.
I would like to translate this poem