Ab jam nigahon ke nasha kyno nahi dete.
Ab bol mohabbat ke maza kyno nahi dete.
Tum khol ke zulfon ko uda kyno nahi dete.
Tum shan ghatano ki ghata kyno nahi dete.
Hai muntazir-e-hashr bahot der se dunya.
Ghunghroo tre pairon ke sada kyno nahi dete.
Ye dhoop rahegi to ye ruswai karegi.
Sooraj ko gunahgar bujha kyno nahi dete.
Tum doosre logon pe na rakha karo ilzam.
Har baat me tum meri khata kyno nahi dete.
Qatil ka hai kya nam ye sab pooch rahe hain.
Kya ham bhi hain ham nam bata kyno nahi dete.
Tum ko mre andaz-e-wafa se hai shikayat.
Tum mujhko wafa kar ke dikha kyno nahi dete
Jo log ALEEM apni jagah MEER bane hain.
Ashaar ko wo tarz-e-ada kyno nahi dete.
This poem has not been translated into any other language yet.
I would like to translate this poem