Dr. Alim Usmani

Rookie - 126 Points (1931-2012 / Qasba Kursi)

Ghazal - Meraj-E-Kamal-E-Naaz Pe Jab Ehsas-E-Jamal Aa Jata Hai. - Poem by Dr. Alim Usmani

Meraj-e-kamal-e-naaz pe jab ehsas-e-jamal aa jata hai,
Dariya se bagole uthte hain, Sahra me ubaal aa jata hai.

Do chaar nashemann jalne se kuch harj nahi yu'n to lekin,
Bulbul ki foghan-e-paiham se gulshan pe zawal aa jata hai.

Unko ye khushi hai hans hans kar main unki jafayein sahta hun.
Main khush hun ki unko waqt-e-sitam mera bhi khayal aa jata hai.

Dil mera jinhone toda tha wo puch rahe hain ab mujhse
Wo kaise mitaya jata hai sheeshe me jo baal aa jata hai.

Ho'n laakh ALEEM ab lutf-o-karam bhoolenge na unke jor-o-sitam,
Mushkil se safayi hoti hai jab ji me malal aa jata hai.

Topic(s) of this poem: love, love and art, urdu

Form: Ghazal


Comments about Ghazal - Meraj-E-Kamal-E-Naaz Pe Jab Ehsas-E-Jamal Aa Jata Hai. by Dr. Alim Usmani

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Sunday, March 29, 2015



[Report Error]