ગ્લાનિ છે પણ ખુશી Glani Chhe Poem by Mehta Hasmukh Amathaal

ગ્લાનિ છે પણ ખુશી

આપનો અભિગમ જ ખોટો
જ્યારે વિશ્વાસ જ મુકીએ મોટો
આ એકજ પગલું તમને પાડી દે પાછો
કારણ કે તમને આવે છે ખ્યાલ ઓછો।

લોકો ને કારણભૂત ગણવા સાચું કારણ નથી
તમે પોતે છો જવાબદાર એવું પણ નથી
પણ કોઈ કારણસર વશીભૂત થઇ જાઓછો એ વાત સાચી
પણ મિયાં પડે તોયે ટંગડી ઊંચી ને ઊંચી।

તમે સહૃદયી છો તે સાફ વાત છે
લોકો ની લાગણી ને માન આપો છો તે પણ સાફ છે
પણ એક વાત નો એકરાર આપે કરવોજ પડશે
સમય આવે તેનો જવાબ પણ આપવો ભારે।

લોકો મૂર્ખ બનાવી જાય તેનો અફસોસ ના કરવો
પણ તમે ખરેખર નિખાલસ છો એનો એકરાર કરવો
શા માટે તમે મદદ કરી એનો વિલાપ ના કરવો
પણ દિલે કેમ ના ના પાડી તેનો વિકલ્પ શોધવો।

વિશ્વાસ કરવો એ એક સાહસિકતા છે
ના પાડવી એ એક માનસિકતા છે
માણસ શિકાર બને પણ એકતા જાળવી રાખે છે
મન માં ગ્લાનિ છે પણ ખુશી નો સ્વાદ ચાખે છે।