Gukod Sa Kinaiya Poem by Alice Cuenca

Sa pagpatiurok ko
sa kahiladman sa lawod
gipangita ko ang tinalikdan
kong pagbati apan ikaw
ang nasugatan ko,
Sa matag adlaw
ang pader nagkahugno,
ang utlanan miuswag
Ang luya kung kalag
ug hanipis kong lawas
mikatkat sa buntod
aron paglangkub kang bathala
O! kining himaya! dalikyat
nga kabug-osan
nakaplagan ba kita?
nakaplagan ko ba ang akong ispiritu?
tingali kinahanglan ko pa
ang dugang kubkob sa sukaranan...