'n Skaam blik in haar rigting
hoop sy het dit raak gesien
'n rooi blos op haar wange
sy is wat ek verdien
beeldskoon in my oë
'n engel se glimlag
ek raak skoon bewoë
ek sal nog bietjie wag
dae word maande
my moed begewe my
ek droom van haar in die aande
dis in die dag dat ek haar vermy
hoekom moet ek so skaam wees
hoekom nie net vir haar sê
ons is van een gees
dis vir haar wat ek wil hê
sy was seker moeg gewag
en het aanbeweeg
'n ander laat haar nou lag
ek is té lig geweeg
jare later verlang ek nog
en droom ek steeds oor haar
ek op my eensame tog
verlangend jaar na jaar
© GK1-19-Jun-17
This poem has not been translated into any other language yet.
I would like to translate this poem