Iinyembezi Zam Poem by Yoyama Magwashu

Zezovuyo iinyembezi endinazo
zona zithatha ixesha ukuba ziyeke
ziyeka sele ndibengezela ndililanga
lona likhanya kude kudede ubumnyama.

Ndivuyiswa luthando endilufumana kwisimomondiya senzwakazi
Nzwakazi leyo elilisa intliziyo yam ngoncumo lwayo
Yona eyenza amadolo am agxeke xa kufuneka ndithethe nayo
Awu madoda yaze yantle nantsi intyatyambo
Kucaca mhlophe ukuba uYehova waye mane encuma ncumeza ngoku wayemenza.

Dudlu ntombazana, dudlu nkwenkwezi yam.
Wena wafika watshintsha ubomi bam,
Ndiyibhaliswa lencwadi kuba ndikufuna ebomini bam.
Zezovuyo, zezothando, zezogcobo iinyembezi zam.
Awu madoda ziyazehlela.