ଶିକ୍ଷା
ଗଜାନନ ମିଶ୍ର
କିଏ କଣ କେମିତି
ଦେଲା ଶିକ୍ଷା
ପରେ କୁହାଯିବ
ଆସ୍ତେ ଆସ୍ତେ
ସେସବୁ କଥା।
ମୁଁ କାହାକୁ କିଛି
ଶିଖେଇ ପାରିଲି ନାଇଁ
ମନେଇ ପାରିଲି ନି
କାହାକୁ ଟିକିଏ
ଏ କଥା ବି ନୁହଁ
ଚର୍ଚ୍ଚାର ବିଷୟ।
କୋଉ କଥା ସତ୍ଯ
ଆଉ କୋଉଟା କଣ
ଜାଣିବାକୁ ନାଇଁ କାହାଠି ସମୟ।
2
ନୂଆ ନୂଆ ଖଡି ଧରି
ଅ ଆ ଶିଖିଲା ପିଲା ପରି
ଗୋଲ ଗୋଲ ଉପରକୁ ଉପର
ବୁଲାଇବାରେ ବ୍ୟସ୍ତ ହାତ।
ମଲ୍ଲୀକଢ ଫୁଟିବ କେବେ?
ଆଜିଠୁ ତର୍କବିତର୍କରେ
ମାତିବାରେ ନାଇଁ ଲାଭ।
ଯୋଉମାନେ ଥିଲେ
ବନ୍ଧୁ ଆତ୍ମୀୟ
ସେମାନେ କୋଉଠି ଏବେ?
ଯାହାସବୁ ଅଙ୍କା ଯାଇଛି
ସେସବୁ କଣ ନୁହଁ
ଅନୁସନ୍ଧାନ ସାପେକ୍ଷ!
ହେଉ, ସେ ସବୁ ଛାଡ।
ତପୋବନ, ଟିଟିଲାଗଡ, ବଲାଙ୍ଗିର
27/10/2019
This poem has not been translated into any other language yet.
I would like to translate this poem
I find beauty in your works because you always respect truth that is why you are totally different from other writers of Poem Hunter...long live your poetry!