Izinyembezi Zowesifazane Poem by Khabzyvee Mkhize

Izinyembezi zowesifazane

Ngokufika kwami kulomhla kwadala uqhekeko.
Uqhekeko kubo ababili ababengamathe nolimu.
Lento ebizwa uthando kubo yavele yashabalala,
Sekwabawuskhwili bhambana nobhoko.
Sekungomunye okhomba omunye esweni nomunye,
Evikela iso lakhe.


Uthando kubo selufana nomlando
indaba exoxwayo Ongeke,
futhi waze wayikholwa nokuthi
yake yabakhona.
Sengiphenduke iscitho sothando lwababili
nam ngingazenzi, ngiyazibuza ngiyaziphendula
ingabe ukufika kwami kwamhlaba,
Kwakuyikho ukuzophenduka iscitho sothando?
Kepha impendulo kanyifumani
Izenzo kuphela ezingiholela empendulweni.
Kusobala impela ngoba emvakwalokho,
injabulo yashabalala,

Izinyembezi zowesfazane esidinda esikanandi engigonile.
Zehle njalo zehlele phezulu kokhakhayi Lwami
ekhala ebalisa, esho nokusho kuthi mtanami
kube ngangazi, esho eliphindelela owesifazane.
Ngimlekele nami ngaso belu esikanandi.
zehle njalo zehlele kwelakhe ibele.
zehle nezakhe ziyohlangane ebelele
qede ngincele, izinyembezi zikamama.
Inhlupheko ngayincela ebeleni likamame.


Izinyembeze zowesfazane ezehlele khandalami,
Mhla bengasaboni ngaso linye
zangibangela ubunzima emhlabeni.
Namhlanje sengiphenduke undingasthebeni
Konke lokho kungenxa yezinyembezi
Izinyembeze zikamama ekhale
Ekhala ehlukunyezwa owesilisa mumbe.
Owesilisa obezibiza ubaba kimi
Kepha engebaba ngezonzo Kimi.
Izenzo ezazisho ukungihlangula,
kwesakhe isingezansi impela.

Ngokufika kwami kulomhlaba
kwaqeda umteketiso Kubo ababili
Ukumamathekisana kwashabalala,
baphenduka amakati, wona ahleze eklwebhana
eklwebhana ebanga ubisi,
kwazise emabeleni kowesifazane ubisi beseluvuza,
angasakhoni ukuqamela, kuso leso sfuba owesilisa.
Lokho kwavele kwamvusela umbhejazana
waphenduka uphuma silwe,

Esho nokusho ethi kowakhe
umuzi asiphume siphele
Ngifikele umcabango ngicabange
ngingaphimiseli, ukube mama
wavele wangihushula ngangalubeka kulomhlaba.
Kusobala ukufika kwami yikho,
esekuqede injabilo yakho kwamhlaba.
Namhlanje sesiphenduke imihambima
sesinethwa nazimvula izintabeni
Imfudumalo suyizwa ngenda
Ngokufika kwami kwamhlaba,
mama kwakushiyisa ukukhomba ngophakathi.
Zehlenjalo izinyembeze zowesfazane
zehlela ekhanda Lami esho ezishikisha
sakuzisula engazi ukuthi usengipenda
Ngosisizi uqobo lwalo.
lezinyembezi sekuyizo ezizobanga
ubunzima phezu kweyami impilo.

Ngisho ngiyaphinda impilo zabantwana
zidlala umagida sbhekane
Kungenxa yezinyembezi ezakhalwa
zingabhekisiwe Kubo kepha zawela phezu kwabo
Impele izono zabazali ziyobuzwa kuthi
nezinyembezi zowesfazane kaziweli phansi
Ningakhali izinyembezi zenu ziwele
ezinsaneni lapho kunzima.

UCebo imbongi yakoKhabazela