Karit Iti Panagdur-As Poem by MELVIN BANGGOLLAY

KARIT ITI PANAGDUR-AS
Melvin Banggollay


Iti panag-dur-as iti maysa a lugar
Ket maysa a karit nga pumutar
Ken agubbog iti puso dagiti lumugar
Nga tinenneb iti maysa a tarigagay
Nga mangbalbaliw biag a nakurapay
Iti tunggal kameng dagiti bumalay.


Buyog na iti napudno a panang-usar
Iti tunggal pundo nga naipundar
Babaen kadagiti buwis nga nakulektar
Nga isu ‘t pundo nga maipataray
Tapno dagiti programa ket maipa-ay
Nga mangpapintas biag ti barangay.


Ngem uray no adda pundo a mausar
Tapno dagiti programa iti ania a lugar
Ket maaramid wenno maiyaplikar
No dagitoy ket kurapen dagiti agtuturay
Husto a panagbalbaliw ken tarigagay
Di nga maited wenno husto nga maipa-ay.


Isu’t gapu na rumbeng datayo a lumugar
Agkay-kaysa nga tumakder a mangprotektar
Iti kalintegan tayo kas umili iti ania a lugar
Nga awan panagbuteng nga mangipa-ay
Iti na-an anay a suporta kadagiti tarigagay
Nga maiyan-natok ti boses iti bumarangay.


Agbalin tayo ngarud a mapaguadan a lumugar
Addaan disiplina iti bagi umeg man wenno ruar
Iti aramid wenno kababalin a kas maysa a lumugar
Tapno mas nalaglag-an iti pannangipataray,
Pannangida-ulo dagiti isu amin nga agituray
Para iti pagsay-atan ken idudur-as ti barangay.


Aramiden tayo ti obligasyon tay a lumugar
Agbayad iti husto nga buwis nga addan gagar
Tungpalen ken respitaren tayo linted a naiparuar
A maiyan-natok iti kunstitusyon tayo ken tarigagay
Iti nasyonal man wenno iti sidong ti barangay
Tapno panagdur-as ti biag tayo ket adda ken umay.