Keben Aaibaa (Kosli Poem 100) Poem by Binapani Mahaling

Keben aaibaa mor jeeban dhan keben aaibaa?
Jaahaar laagin janam helaa dinu baat dekhuchhen?
Aaink ukhraalaa dinu taar aaibaar baat ke taakichhen.
Kendine mate taar hurud bhitren jagaa debaa?
Keben sat kari mate taar kolke taani nebaa?
Ken dine mate taar nijar nu bi jaha bhal paaibaa?
Ken dine taar atmaa na mor atmaa mishi ek heba?
Ken dine taar mor dihe mesi gute heijibaa?
Ken dine taar mor jeeban mesi gute hei jibaa?
Keben mor manar raaijkumaar mor pakkhe aaibaa?
Jadi janam hebaar agonu taar saange mor sutaa judi thilaa!
Jadi janam hebaar ago nu se aau muin gute aaun!
Pher ei baat dekhaa kaain kari, kaain kari ei hat hataa?
Ken dine mor aainkh duitaa ke pabitar karbaa?
Ken dine taar mithaa kathaa na mor atmaa bhari hebaa?
Ken dine taar aabaaj mor kaan duitaa ke pabitar karbaa?
Ken dine mor chhot te sapan taar rang nebaa?
Ken dine mor ashaar deep taar ghee na jalbaa?
Ken dine mor din raait baat dekhaa hai hei sarbaa?
Ken dine mor ei munush janam ke saakaar milbaa?
Ken dine taar gyaan na mate ukiaa karbaa?
Ken dine taar perem lahadi na mate uhulei nebaa?
Ken dine ei janam punarjanam nu mate mukti milbaa?
Ken dine mor baat dekhaa puraa sarijibaa?