Kuch Kehti Hai Ye Maddham Hawaien... Poem by Rishi Thakkar

Kyun aaj ye madham hava kaano mein kuch keh rahi hai...
Wo aaj mann hi mann muskura rahi hai aisa ishara kar rahi hai...
Kahin khayalon mein humari khushboo unke honthon par ek muskaan chod gayi hai..
Sharm ke maare wo uss hasi ko zamane ki nazar se chupa ke ye mere khwabo mein humko keh gai hai,
K sanam tum humse pyaar karna, zindigi mein mera har pal aitbaar karna,
Agar main haar jaun to mera haath thaame rakhna,
Kahin main dagmaga jaun to apni baahon mein muje kaske pakadna...
Gar mera vishwaas toot jaye mere tum humnawaab banna..
Beech mazdhaar mein main fass jaun mere maajhi tum thaame rakhna
Zindigi mein chahe kuch bhi ho jaaye mujhe bus tum har pal har waqt yuhi pyaar bhari aankho se dekhte rehna...
Tumhari nazrein jab ek tak nirantar mujhe niharti hai, kya kahun meri rooh iss pyaar ko dekh kaamp jaati hai..
Bhala koi mujhe itna chaah sakta hai, main uske liye kitni anmol hun, mujhe jatati hai..
Tumhare haath jab tum mere gesuoun par yun ferte ho, kya kahun kitne pyaare tum lagte ho..
Mann mein ek ajeeb sa vatsalya jaagta hai, tumhe apne aanchal mein chupa lun kahin zamana tumhe mujhse chura na le, aisa dil mein matritwa tumhare liye umadta hai..
Tumhari har pyaari muskurahat pe haq mera ho, sada saaya banke saath nibhaun ye khwaab meri tumhare naam likhhi iss zindigi ka ho...
Kyun aaj ye maddham hava mujhe ye keh rahi hai...
Tum jahaan bhi ho tumhare dil mein jagte bhavon ka var nan meri zubaan iss dil se kar rahi hai..