Kuch Yu Beete Kal Se Krishna Sa Main Hua Poem by Rishi Thakkar

Shaadi ke 20 saal beet gaye
Zindigi ke an ginat pal tumko diye
Tumhara khud se pehle humne socha
Tumhari har khwaish ko puja
Har khushi mein tumko sajaya
Har dard mein tumko na ehsaas dilaya
Kuch aakanshaein meri bhi thi tumse 
Kuch hasi ka karan sirf tumko banana chahta thha...

Par har kissi ko mukkamal jahan nahi milta
Kabhi zameen to kabhi aasma nahi milta
 

Har subha/shaam tumne humko pucha
Kya khana hai Kidhar Jana hai
Har janamdin par humko puchti kya doon tumhe
Har peher ki charcha mein khud chaunk jaata
Jab tumse aise sawal mujhko milte ke mujhse milke koi insaan kya paata
Jab tum kehti ke shaadi ke baad apni zindagi dekh kabhi kabhi khud pe tumko tarass hai aata...
Ye alfaaz humko besabra laachar kar jaata...

Kuch din pehle tak mann thha rota
Sote sote aansuon ka ehsaas hota

Par kal jab ek sandesha dil ke bichde kal se aaya
Aaj pehli ghar pe gajar ka halwa banaya
Tu bada yaad aaya...
Kal uss kitaab ko pehli baar padha
Jiske baare mein tune padhne ko itne pyaar se thha kaha
Tumne jo saalo pehle  4ghanto tak thak kar jo kurti thi dilayi
Aaj tak usse pehenti hu to aina sharma jata hai
Kahin nazar na lag jaaye mujhko kaala teeka laga ja teri tarah yaad dilata hai
Teri wo kameez jo mere ghar bhul gaya thha aaj bhi teri khushbu ki yaad dilati hai..
Tere sang beetayein palon ki tasweere delete to kar di phone se par dil har pal slideshow chalata hai..
Fir need udd jaati hai
Sapna toot jaata hai
Teri jagah hai koi aur ye sacchai waqt yaad dilata hai..

Bus itna tujhe kehna ye mann chahta hai
Adhura pyaar apurna hokar bhi sachha kehlata hai
Radha jaisi bani tadapti hu shyam
Iss janam nahi har janam karun teri ibadat lungi tera naam..

Ye sandesha padh kar zinda hun ye ehsaas hua
Koi mujko itna chahta hai ye mithas lahoo ban kar ragoon mein chala
Kuch krishna sa main bhi yun bann gaye
Bina tere adhura
Door ho kar tujhse fir bhi tere pyaar se poora
Ye hi hai zindagi
Ye hi hai sacchai
Kuch kadvo mein mithas
Kuch meethi mein kadvaat
Bus yehi hai ishwar ki marzi
Yehi hai uska insaaf.. 
Shayad apne pehle shabdh jaisa saccha pyaar bhi adhura hota hai..