Rishi Thakkar


Meri Pencil - Poem by Rishi Thakkar

Saade kaagaz ke tukde ko agar hum dekhein to uski kya ahemiyat hoti hai?
Jab tak uspar ek pencil ka sparsh nahi hota, aisa lagta hai jaise samander bin machli ka hota..
Hazaar lakhon bhav pencil iss saade kaagaz pe likh jaati hai,
Kahin iss kaagaz ko nazar na lag jaaye apna kaala daag uspe laga jaati hai,
Kai baar ankahee batein, jeevan ke anchue pehelu ke baare mein likhne ki prerna de jaati hai..
Prem, bhaichara, desh-videsh, Brasthachaar, saamajic vartalaap jaise anek INDRADHANUSHI vichaar ek kale rang ke aagosh mein samaaye hain...
Chahein hum kitna bhi, iss baat ko dhutkaarna,
Par kavi ki safalta ka shrey uski kalam va pencil ki syahi darshati hai...
Pencil agar josh mein aa jaye to aise katu satya likhwati hai,
Rooh ko kapkapi de jaaye aise vachan kagaz pe bulwaati hai...
Jaanta hun main ki pencil hi mann k bhavon ko kaagaz pe vyakt karvati hai...
Bezuban hote hue bhi kitni saare sarahniya batein keh jaati hai.

Topic(s) of this poem: fun, inspirational


Comments about Meri Pencil by Rishi Thakkar

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Tuesday, October 27, 2015



[Report Error]