Nami ngiyamfuna ozongilolozela ngephimbo elimtoti
Ozongitshela amazwi amnandi azothuthumalisa igazi lami
Nami ngiyamdinga ozongiphulula ikhanda engibuka enhlamvini zamehlo
Ozongiphulula isilevu asho ngephimba iculo elizongenza ngikhophozele
Ngiyamdinga ozosula inyawo athi lendoda eyami
Ozoma esidlangalaleni ahlabe phansi umkhonto
Ngimamatheke ngigiye kukikize omama kucasuke intombi zendawo
Ozoma nami ezintabeni sikhombe inxiwa lethu
Ngingayithokozela nami inkomishi yamanzi njalo ntambama
Ehambelana netray elinezibiliboco ezenziwe esothandiweyo wami
Ngingathokoza ukubuzwa baba bekumnandi nah ukudla?
Ewuuu ngisho ngokumamatheka mawakhe udalelwe kulento …. Amamatheke
Nami ngiyafisa ukujabula njengabo bonke obaba bemizi
Ngijubalale ngemicabango yokumamathekisa ezakwami
Nami ngithokoze ngiphume emsebenzini ngelikhulu iqholo
Ngithi ngiya kweyami indoni yamanzi
This poem has not been translated into any other language yet.
I would like to translate this poem
What a nice poem broer i feel sorry for other races for not being able to read our language