କେହି ଦେଖି ନାହାନ୍ତି No One Has Seen Poem by Gajanan Mishra

ଭୂତ
ଗଜାନନ ମିଶ୍ର

ଦେଖି ନାହାନ୍ତି କେହି।
ଦେଖିଛୁଁ କହୁଥିବା ଲୋକେ
ବଖାଣୁଛନ୍ତି ବଖାଣିଚାଲିଛନ୍ତି
ନିଜ ନିଜ ବାଗରେ
ନିଜ ନିଜ ସୁରକ୍ଷିତ ସ୍ଥାନରୁ
ଫାଇଦା ମାରିବା ଆଶା ନେଇ।
ଆଉ କେତେ କଣ ଯାଉଛି ଘଟି
ଏଇ କ୍ଷଣି ଏଠି ସେଠି
ଘଟୁ ଘଟୁ କେତେ କିଏ
ଦୃଶ୍ୟାନ୍ତର ହେଉଛନ୍ତି
ହିସାବ ନାଇଁ।
ଗାଁ କହ ସହର କହ
ଗଳିକନ୍ଦି ନଈନାଳ ପାହାଡ
ଜଙ୍ଗଲ ଖାଲ ଢିପ ସମତଳ
ଘଟଣା ଓ ଘଟଣା
ଘଟଣା ଭିତରେ ଅଘଟଣା
ସଭିଏଁ ବାଟବଣା।
ବାଟବଣାର ମଝାମଝିରେ
ଡହକବିକଳ ସାଧାରଣ ଲୋକ,
ଆରାମଦାୟକ ସ୍ଥିତିରେ
ଶାସକ ପ୍ରଶାସକ
ସବୁ ଆଡୁ ଲାଭ ହିଁ ଲାଭ।
କେହି ଜଣେ ବି ନାହିଁ କୋଉଠି
ବିଲ ପଡିଆ ଡଙ୍ଗର ଖାଁ ଖାଁ
ଅଛି ଯିଏ ବି ଯୋଉଠି
ପ୍ରାଣ ବିକଳରେ ଆଁ।
କଣ କିରେ ମିଳିଲା କିଛି
କଳା ହେଉ କି ଧଳା!
ନାଁ ନେବାର ମାନେ ନାଇଁ
ଭୟ ଆତଙ୍କ ଯାଇଛି ଖେଳି
ପୃଥିବୀସାରା ଆକାଶସାରା
ପଚାରିବାର ଆବଶ୍ୟକ ନାଇଁ
କୋଉଠି ଆଉ କୋଉ ପକ୍ଷୀର ଗାଁ।

ତପୋବନ, ଟିଟିଲାଗଡ।