Preet Kanha Ke Sang Poem by abhipsa panda

Rang tera saanwla,
fir qn man ko bhaaya.
Jagat pati tu baanwla,
ab chod v de moh maaya.

Bhola bantaa jab maiyaan ka,
raas rachaane aaya qn.
Pakdaa ke dori saiyaan ka,
prem me apne bahaaya qn.

Na kar yun chal kapti giridhaari,
teri mahimaa saari kaali.
Teri viraha me roti brij naari,
qn khelat h unse aankh michauli.

Prem me tune accha fasaaya,
hasi ke badle aansu de daala.
Apna kehke karta paraaya,
mai to kahun kanha rang hi kaala.

Viraha me teri kitni tadap h,
tu kya jaane re nandlaala.
Ye abhimaan nahin arop h,
sab sujhi bujhi h teri leela.

Natkhat ban fuslaaya tune,
prem se apne behlaaya.
Jab raas rachaaya tere sang,
fir qn shaadi ke bandhan me bandhwaya.