Priyasi Main Kanha Ki Poem by abhipsa panda

Jeevan tune diya,
mrityu bhi tu dilwaaega.
Prem me jo bahaaya,
moksh to yun mil jaega.

Lok lajja choda,
bas tere kaaran kanhaiyaa.
Raah qn fir moda,
bata mere bansi bajaiyaan.

Kalyug ke jeevan me,
tujhse jo prem mila.
Hasti to swapana me,
vaastav me viraha mila.

Is viraha me bhi khushi hai,
qnki ye tere naam hai.
Pratidin roti ye priyasi hai,
aur karti tujhe pranam hai.

Prem ye ektarfa hoga,
tabhi to door reh paaya.
Ya kono baat pe khafa hoga,
ab tu hi jane teri maya.