રામધુન... Ramdhun Poem by Mehta Hasmukh Amathaal

રામધુન 
મંગળવાર,15 જાન્યુઆરી 2019

રામધૂન લાગી રે મનવા 
રામધૂન મન માં લાગી 
અમે નથી સાધુ કે સન્યાસી 
બસ સંસારી અને ભોગવિલાસી।.. રામધૂન મન માં લાગી 

નથી મન માં કોઈ નો ભરોસો 
બધા પૂછે મારા અપરાધો 
હું જાણી ને રહું અજાણ્યો
જિંદગી નો મધુર રસ માણ્યો।...રામધૂન મન માં લાગી

આ તો જીવન ની ઘટમાળા 
સંજોગો થી મળી ભેટાણા 
ના જોયું કોઈ મુરત કે ટાણું 
પણ જીવન નું ગાયું ગાણું।...રામધૂન મન માં લાગી

ઝેર સમજી કટોરો ના પીધો 
એનો અરથ સમજી લીધો 
મળ્યો છે મનખો અમૂલો 
જે સમજે એને મહામૂલો।...રામધૂન મન માં લાગી

જીવન સબરસ છે કે નિરસ 
ફાવી જાય તો લાગે સરસ
રાખો સમતા અને મમતા 
આવા મેળા કદી ના મળતા।...રામધૂન મન માં લાગી

હસમુખ અમથાલાલ મહેતા