Rutha Mera Bansidhaari Poem by abhipsa panda

Rutha mera bansidhaari,
koi sur jaanu to manaaun.
Mat gai thi maari,
kaise tujhe viswaas dilaaun.

Mithya sansaar sagar me,
beh gaya tha chanchal man.
Jab doobne lagi gehraai me,
to uddhaar kiya tera vachan.

Saare rishte to tujhse hain,
baaki to sab karam hai.
Praan to mere tujhme hain,
sansaar to bas bharam hai.

Najaane paaon kaise fislaa,
ye duniya ki moh maaya me.
Tujh bin koi na aglaa,
is karam-shetra ki kaaya me.

Sansaar me dukh anek hain,
par sthaayee yahan kuch nahin.
Tere bhajan me jo aalekh hain,
aisa satya aur kahin nahin.

Jeevan maran ke charaachar me,
is ablaa ka tu saathi hai.
Jo khoi thi naatya sansaar me,
ye kshama ki bhikh maangti hai.