Hihintayin kita.
Tulad ng pagyuko
ng mga talahib sa tag-araw
o pagsisid ng mga bulig
at hito sa ilalim ng putik
kapag tigang ang parang
at nagbibitak-bitak
ang mga pinitak.
Hihintayin kitang magising
mula sa mahabang pag-idlip
habang humihilikhilik ang hangin
sa iyong antuking paligid.
Baka sakaling
ihatid ka sa akin
ng tag-ulan.
This poem has not been translated into any other language yet.
I would like to translate this poem