Sagrado A Baluta Poem by MELVIN BANGGOLLAY

Sagrado A Baluta

SAGRADO A BALUTA
Melvin Banggollay



B-utos tayo ket pudno a sagrado
Ta isu’t boses ti Dios iti Tao
Isu’t rimat konsensya tayo
Ken kaungan a timek iti tao.

A-gbutos tayo ngarud a nawaya
Nga awan mangpilpilit kenka
Maiyan-natok dita konsiyensya
Maibasar iti pudno a kari-rikna.

L-inayen a nalaing iti tungal buto
Iti panangtaming umno a kandidato
No pudno a maka-Dios, makatao
Addan bael nga agserbi nga pudno.


U-sigen a nalaing iti plataporma
Ganda’t wenno kaungan a rikna
No addaan nadalus a programa
Nga makatulong biag iti masa.

T-imek ti kinapudno ket ibuto
Di tay ngarud daytoy nga ilako
Iti siasinuman a kandidato
Tapno agraniag iti kinapudno.

A-ywanan ti kinasagrado ti baluta
Iti timpuyog iti tunggal maysa
Nga sidadaan nga makikaysa
Iti krusada ti pudno a demokrasya

COMMENTS OF THE POEM
READ THIS POEM IN OTHER LANGUAGES
MELVIN BANGGOLLAY

MELVIN BANGGOLLAY

Natonin, Mountain Province, Philippines
Close
Error Success