Sara Teasdale 78 - സ്വാതി നക്ഷത്രം Poem by Unnikrishnan Sivasankara Menon

സ്വാതി നക്ഷത്രം

This is Malayalam translation of the poem 'Arcturus' by Sara Teasdale.


സ്വാതിനക്ഷത്രമാണല്ലോ
ഇന്നും വസന്തകാലത്തെ
തിരികെക്കൊണ്ടുവരുന്നത്,
പണ്ട് കിഴക്കൻ ദ്വീപുകളിൽ
ഗ്രീസിലെ പെൺകുട്ടികൾക്കും
ആൺകുട്ടികൾക്കുമായവൻ
ഉദിച്ചുയർന്ന കാലത്തെന്ന പോലെ,
ഇപ്പോഴും അങ്ങിനെതന്നെ;

അന്തിമങ്ങൂഴം ഒരു തെളിഞ്ഞ
നീലനിറം ചാർത്തിയിരിക്കുന്നു,
സ്വാതിനക്ഷത്രമാകട്ടെ വിറപൂണ്ടും
തിളക്കമാർന്നുമിരിക്കുന്നു;
അന്ന് അവർക്കേകിയ
അതേ വിചാരങ്ങൾതന്നെ-
യാണ് അവൻ ഈരാവിൽ
എന്നിലും ഉണർത്തുന്നത്.