Sara Teasdale 88 - സ്വപ്നഗീതം Poem by Unnikrishnan Sivasankara Menon

മധുമാസത്തിൽ ഒരു മഞ്ഞുതുള്ളി ഞാനിറുത്തെടുത്തു
കൈയിലൊന്നമർത്തി ഞെരിച്ചു; കൈത്തലത്തിലെ ചെറു ചൂട്
ആ മൃദുമേനിയെ വേദനിപ്പിച്ചുവെന്ന് തോന്നുന്നു
അത് അലുത്തുപോകുന്നത് കണ്ട് എനിക്കും വേദനിച്ചു;
എന്റെ സ്നേഹഭാജനത്തിന് ഞാനൊരു ചെമ്പനീർപ്പൂ സമ്മാനിച്ചു
ഞാനത് അവളുടെ മഞ്ഞുപോൽ തണുത്ത മാറിൽ അർപ്പിച്ചു;
പക്ഷേ, പൂക്കൾക്ക് അല്പംകൂടി ഊഷ്മളമായ മെത്ത വേണമല്ലോ
പൂവിനെ മരണം പുൽകുന്നതുകണ്ട് ഞങ്ങളിരുവരും കരഞ്ഞുപോയി.

This poem is a translation in Malayalam of the poem "Dream Song" (197) by Sara Teasdale