DHALIGALAA MERUKHUTAA
Aailaa naid badhi bharlaa paain
Dhuligalaa meru khutaa
Chin chhatar heigalaa dhuka gardi na
Daahipatar heigalaa dhurkutaa.
Kiae jaanithilaa ketedinu thiaa heichhe
Hajaar jiba jantu kulen dhari
Helen samlei naain paarlaa taar cher
Jadi bi dharlaa maaet ke jaaki kari.
Chhidi gala cher padigalaa merukhutaa
Samku anaath kari
Chhinaa heigalaa gaan taa jaaka
Se merukhutaa ke jhuri.
CHHIDIGALAA TARAA
Kede sundar mat mat hei jaluthilaa
Niliaa aakaashen phul te hei
Sapan thilaa man bhitren sabu dina jaluthibaa
Sabu taraa saange saang hei
Helen jhutei padlaa hiti padlaa rastaa nu
Chhidi gala taraa khand khand hei
Sari gala taar jeeban kaal mari gala manar sapan
Sabudinar laagin.
Judaa haath kari maaguchhe mukti dia mate bali
Paaichhe marla belen ujaalaa
Aau setebelen munush bhaabuchhan
Taahaake dekhi jaahaa maglen hebaa puraa.
BUDLAA DANGAA
Bhaasuthilaa dangaa majhaa nadin aagke aagke
Taar peten lok nei
Aailaa dhukaa gardi bhanri bhitren padigalaa dangaa
Ulti gala majhin.
Budigalaa dangaa paain bhitren samku saange nei
Hai karle luka
Baail bhitren samigalaa metlaa nishaan
Rahigalaa kathaa dekha.
Kete hajaar lok paar kari thibaa
Taar chhot te petar bhaaren
Helen aaij taar naamonishaan naain
Hajlaa samiaar aagaaden.
This poem has not been translated into any other language yet.
I would like to translate this poem