Sigaw Para Sa Maguindanao Poem by Cynthia Buhain-baello

Saan na nga ba ang daan ng Katarungan?
Tila lahat tayo'y patuloy na naliligaw!
Lumipas na ang panahon at ating nakalimutan
Ano na nga ba ang nangyari sa Maguindanao?

Patuloy na nabingi at nabulag na Hustisya?
Sumisigaw pa rin ang dugong dumanak!
Napako na yata sa kawalan ng pasya
Kay daming namatay, patuloy na umiiyak.

Humahalakhak pa ring mga abugado
Patuloy niyuyurak Karapatan at Katotohan!
Patuloy sa pagtanggol ng masama't abusado
'Hustisya' ang tawag sa Kasinungalingan.

Tayo nga ba'y manhid na sa Kabaligtaran?
Walang bahid ng inis o pag-angal man lamang?
Ang pagtutol sa Masama ay kinakailangan
Ang Katahimikan, Bayan -ay walang puwang!