Son O Mine Poem by Sheena Blackhall

Son, son fit I'd gie tae see ye
Step frae the kintra o the ghaist
I bide in the derk farstarnies glimmer
Hyne an awa in Heiven's waste

Son, son, fit I'd gie tae hear ye
Prood an strang as ye wir afore
Ye'll hear ma voice in the sauch's a-maenin
Struck bi lichtnin tae their hairt's core

Son, son fit I'd gie tae touch ye
Flesh o ma flesh, bane o ma bane
As weel raxx oot tae the mists o Davan
Like rikk on the win, mither, I'm gaen