Takip-Silim Poem by Helaman Del Castillo

Marinig ko lamang ang iyong tinig
Mga nais gawi'y tila napatigil
Kay tagal kong ninais kang makausap
Ngayo'y natupad ang pangarap.

Akala ko, walang patutunguhan
Ating walang katulad na pagsasamahan
Binigyan mo ako ng pagkakataong
Ipakita kung saan ang aking puso'y nakatuon.

Hanggang kailan ba kita dapat hintayin?
Ngunit di ba dapat ako ang tatanungin
Huwag na nating hintayin
Ang araw bago pa ito magtakip-silim.