ପୃଥିବୀଟା ଗୋଲ The Earth Is Round Poem by Gajanan Mishra

ଗୋଟେ ମଣିଷ ପିଲା
ଗଜାନନ ମିଶ୍ର

ହଁ ରେ
ଗୋଟେ ମଣିଷ ପିଲା
ମୁଁ।
ଧର୍ମାଧର୍ମ ସବୁ
ତୁମର।
ପାରୁ ନି କହି
ୟେ ମୋ ସାଙ୍ଗ
ଆଉ ସେ ନୁହଁ।
ଖୋଜୁଛି ସତ
କିନ୍ତୁ ଏଠି
ସବୁ କଙ୍କଡା ଖୋଳ।
ପାରୁ ନି ପଚାରି
କିଛି କାହାକୁ,
ନିଜେ ନିଜର
ଉଚ୍ଚାରିଛି ଶବ୍ଦ
କରୁଛି ଚିତ୍କାର।
ଡାକୁଛି ଫୁଙ୍ଗୁଳା ଆକାଶକୁ
ହାତଠାରି ପାଖକୁ।
ଯେମିତି ଇଚ୍ଛା ସେମିତି
ଢାଳିଛି ଲୁହ
ଘାସ ପଡିଆରେ।
ସିଧାସଳଖ କିଛି
ନାଇଁରେ ଧନ
ଅଠରବାଙ୍କ ନ ଡେଇଁଲେ
କଣ ବୁଝେ କି ମନ!
ଜାଣେରେ ବାୟା
ପୃଥିବୀଟା ଗୋଲ
ଆଉ ନିବୁଜ।

ତପୋବନ, ଟିଟିଲାଗଡ, ବଲାଙ୍ଗିର
07/01/2020