Twa Scots Owersetts O Poems Bi Sutung-P'o (1037-1101) Poem by Sheena Blackhall

Twa Scots Owersetts o Poems bi SuTung-P'o (1037-1101)

1.On the Yangtze Watchin the Bens
Frae the boat watchin Bens-faist shelts:
A hunner herds race by in a glisk

Jaggy taps afore us o a suddenty cheenge shape
Reenges ahin us stert an hash awa

I luik up: a nerra pathie angles backwirds an forrit
A cheil wauks alang it, heich an hynie awa

I wyve frae the deck, ettlin tae cry oot
Bit the sail takks us sooth like a fleein birdie


2.In the Doonpoor, Veesitin the Temple o the Goddess o Mercy, Guan Yin
The Chinese name Guan yin, is short for Guanshiyin, which means "The One Who Perceives the Sounds of the World."

Silkwirms growe auld, wheat's hauf yalla;
On knowes ahead, knows ahin, rain teems doon

Fermers maun leave their ploos, mulberry quines their creels
The fite claethed goddess hauds tae her heich knowe