Un Bonito Lenguaje (Chavacano De Zamboanga) Poem by ER Bron Chiong, RSW

Porque tu ya rabia
conmigo y mi lengua
tiene problema o tu no sabe
que mi lengua existio
en la isla de Mindanao
Ciudad de Zamboanga

No sabe tu pensa
que tu no Dios
no puede habla
el mi lengua es nada
solo una burrada
que vergüenza!

Una mujer de calidad
educada y alta culta
sin vergüenza que ya habla
no sabe que mi lengua
tiene poquito Español
en su vocabulario

Chavacano de Zamboanga
el de mi lengua llamado
tu no puede acepta
que tiene lengua existo
donde los gentes alegre
en este pais de Filipinas

Respéto nosotros
el necesita tu dale aqui
señales que tu de buena raza
no arrogante en pensamiento
y en tu puesto actual
grande ventaja para contigo

Mi bonito lenguaje
el Chavacano de Zamboanga
no puede olvida hasta cuando
mi precioso idioma
de mi alma, mi vida y amor
el lengua franca de mi gente

Muchas gracias Señor Dios
que tu ya dale con nosotros
un lenguaje hermoso
de mi lugar, distinto y único
que no otro gente nos puede bajar
sino para apreciar tu bondad



鍾奕生
ER Bron Chiong, RSW
15August2022 @ 21: 45 AM
Un himn0 de las gracias p0r mi Lengua

NOTE: Abecedari0 de Chavacan0 de Zamb0anga was taken fr0m D Net. Mani tnx 2D 0wnER...♡